Vetëm një ditë para finales së madhe të edicionit të tretë të Ferma VIP, në fermë është zhvilluar një ceremoni simbolike që ka tërhequr vëmendjen e publikut.
Në kuadër të lojës, balerini Ilir Shaqiri dhe poetja Mimoza Ahmeti kanë kurorëzuar simbolikisht lidhjen e tyre. Gjatë ceremonisë, të dy shkëmbyen betime dhe puthje, duke krijuar një nga momentet më të komentuara të spektaklit.
Pas celebrimit, Ilir Shaqiri e mori në krah Mimoza Ahmetin dhe të dy u hodhën në pishinë, ku vijuan momentet festive mes përqafimeve dhe puthjeve.
Në garën për çmimin e madh, krahas Ilir Shaqirit dhe Mimoza Ahmetit, janë edhe Elvis Pupa, Soni Malaj dhe DJ Bujaka.
Finalja e Ferma VIP do të zhvillohet të hënën, duke shënuar përmbylljen e edicionit të tretë të reality show-t, i cili nisi më 27 mars nën moderimin e Arbana Osmanit.a.b
