Një aksident i rëndë rrugor ka ndodhur mesditën e së dielës në aksin nacional Pogradec–Qafë Thanë, ku për pasojë ka humbur jetën një 26-vjeçare nga Maqedonia e Veriut.
Sipas informacionit paraprak të policisë, rreth orës 11:30, automjeti i drejtuar nga shtetasi G. H., banues në Korçë, është përplasur me një automjet me targa të huaja që drejtohej nga shtetasi E. Ll., banues në Maqedoninë e Veriut.
Si pasojë e përplasjes ka ndërruar jetë pasagjerja E. Ll., 26 vjeçe, e cila udhëtonte në automjetin me targa të huaja.
Nga aksidenti janë dëmtuar gjithashtu dy drejtuesit e mjeteve dhe dy pasagjerë të tjerë që ndodheshin në automjetet e përfshira në përplasje.
Të plagosurit janë transportuar në spital, ku po marrin ndihmë mjekësore dhe ndodhen jashtë rrezikut për jetën.
Grupi hetimor ka shkuar në vendngjarje dhe po punon për të përcaktuar shkaqet dhe rrethanat e aksidentit.a.b
