Takimi i kryeministrit Edi Rama në Berat, i zhvilluar në kuadër të diskutimeve për Reformën Territoriale, është shoqëruar me debate dhe përplasje verbale mes kreut të qeverisë dhe përfaqësuesve të Poliçanit.
Pas fjalës së ministrit të Shtetit për Pushtetin Vendor, Ervin Demo, në diskutim kanë ndërhyrë përfaqësues të ardhur nga Poliçani, mes tyre kryebashkiaku socialist Adriatik Zotkaj dhe aktorja Egla Ceno.
Debati është përshkallëzuar gjatë diskutimeve, ndërsa në një moment kryeministri Rama iu është drejtuar banorëve me shprehjen: “Qepeni gojën”.
Deklarata ka shkaktuar irritim te përfaqësuesit e Poliçanit dhe ka sjellë një përplasje verbale mes Ramës, kryebashkiakut Adriatik Zotkaj dhe aktores Egla Ceno.
Debatet kanë vijuar në sallë, ndërsa përfaqësuesit e Poliçanit kanë vendosur të largohen nga mbledhja në shenjë proteste.m.k
