Prokuroria e Posaçme Kundër Korrupsionit dhe Krimit të Organizuar (SPAK), në bashkëpunim me Policinë e Shtetit, ka zhvilluar këtë të premte një operacion të gjerë kundër një grupi të dyshuar kriminal të përfshirë në trafikim të lëndëve narkotike dhe pastrim parash.
Burime paraprake bëjnë me dije se janë lëshuar 20 masa sigurie ndaj personave të dyshuar, të cilët hetohen për aktivitete kriminale të kryera në kuadër të një grupi të strukturuar kriminal.
Deri tani në pranga ka rënë shtetasi me inicialet Orest Sota ndërsa është në arrest shtëpie Edmond Jaupi, janë shpallur në kërkim Ilir Shtufi, Artur Shehu me banim në SHBA dhe Orges Birçaj.
Operacioni po vijon në disa zona të vendit për ekzekutimin e masave të sigurisë dhe mbledhjen e provave të tjera që lidhen me hetimin.
Autoritetet nuk kanë dhënë ende detaje të plota mbi dosjen, ndërsa pritet që pas përfundimit të aksionit të bëhen publike informacione shtesë për personat e përfshirë, akuzat konkrete dhe rezultatet e operacionit.
