Me firmën e dy prokurorëve të SPAK, Altin Dumanit dhe Elida Kaçkinit, u lëshuan në total 15 masa “arrest me burg” dhe 5 masa “arrest në shtëpi”, për veprat penale të trafikut të kokainës, pastrimit të parave në vlera milionëshe dhe pjesëmarrjes në organizatë kriminale.
Në kërkim është shpallur Artur alias Luçiano Koçeku, i cili dyshohet se drejtonte nga Dubai një grup ndërkombëtar të trafikut të drogës së bashku me vëllezërit e tij. Sipas hetimeve, grupi trafikonte kokainë nga Kolumbia, Ekuadori, Bolivia, Surinami, Paraguai, Uruguai, Porto-Riko dhe Brazili drejt vendeve të Europës. Paratë e përfituara nga shitja e kokainës dyshohet se pastroheshin në Shqipëri.
Për dyshime të pastrimit të parave është caktuar masë arresti edhe për Ilir Shtufin, i cili sipas hetimeve kishte lidhje me grupin e Koçekëve dhe investonte në sektorin e ndërtimit. Ndërkohë, është arrestuar biznesmeni Orest Sota.
Sipas hetimeve grupi tjetër drejtohej nga Renato Hamzai, i konsideruar lidhje e Artur Shehut dhe i pranishëm në takimin e shumëpërfolur të Arubës. Hetuesit dyshojnë se Shehu pastronte para përmes vëllezërve Erion dhe Adrian Rama, si dhe Leonard Bishajt, i njohur me nofkën “Coco”.
Në pranga ka përfunduar edhe Orgest Birçaj, pronar i kompanisë “Top Seven”, i cili dyshohet se e përdorte kompaninë për aktivitete të lidhura me trafikun e drogës. Në kuadër të të njëjtit operacion, masa “arrest në shtëpi” është caktuar për Edmond Jaupin. a.b
EMRAT/
Artur Shehu
Ilir Shtufi
Ardian Zykaj
Alfredo Hamzai
Luciano Koçeku alias Artur Koçeku
Dino alias Abedin Koçeku
Ervin Koçeku
Adrian Rama
Erjon Rama
Orgest Birçaj
Elton Memeti
Leonard Bishaj
Arben Ismaili
Edmond Jaupi
Orest Sota
Besnik Myftari
Dritan Aga
Astrit Vladi
Kastriot Vladi
Gezim Islami
