Protestuesit kanë vijuar marshimin në rrugët kryesore të Tiranës, duke përsëritur thirrjet për largimin e kryeministrit Edi Rama dhe duke kërkuar ndryshime politike në vend.
Mijëra qytetarë kanë mbushur bulevardet e kryeqytetit, ndërsa atmosfera është shoqëruar me brohoritje dhe pankarta kundër qeverisë. Të bashkuar në marshim, pjesëmarrësit kanë kërkuar dorëheqjen e kreut të qeverisë, duke deklaruar se do të vazhdojnë protestat deri në realizimin e kërkesave të tyre.
Gjatë lëvizjes nëpër qytet ata kanë thirrur si “Opozita jemi ne”, “Revolucion”, “Edi Rama jep dorëheqjen”, “Atdheu nuk shitet”, si dhe slogane të tjera që synojnë figura të mazhorancës.
Protestuesit janë shprehur të vendosur për të vijuar aksionin e tyre qytetar, duke theksuar se nuk do të tërhiqen nga kërkesat që kanë artikuluar gjatë tubimit.a.b
