Një prej protestuesve të mbledhur para godinës së Kryeministrisë u bëri thirrje patronazhistëve dhe personave që, sipas tij, mund të synojnë të provokojnë incidente, të qëndrojnë larg tubimit.
Gjatë fjalës së tij, ai kërkoi dorëheqjen e kryeministrit Edi Rama, duke theksuar se protesta po zhvillohet në mënyrë paqësore dhe përfaqëson vullnetin e qytetarëve.
“Jep dorëheqjen. E dimë që fut provokatorë këtu për të shkaktuar trazira, por sot këtu është i gjithë populli shqiptar”, u shpreh protestuesi mes duartrokitjeve dhe thirrjeve të pjesëmarrësve.
Protesta para Kryeministrisë vijon me pjesëmarrjen e qindra qytetarëve, të cilët kërkojnë ndryshime politike dhe më shumë llogaridhënie nga qeveria.
