Europarlamentari Antonio Lopez-Isturiz, ish Sekretar i Përgjithshëm i PPE, tha sot se brenda BE ka konsensus të madh pro Shqipërisë në BE, por ngrejnë dyshimin, a mund të kemi Ramën në Këshillat Europiane.
“Por të gjithë ekspertët bien dakord: Shqipëria duhet të jetë anëtare e Bashkimit Evropian. Për këtë nuk ka asnjë dyshim. Frika që shprehin është: a mund ta kemi këtë Kryeministër të Shqipërisë, Edi Ramën, në Këshillat Evropiane?
Këtë nuk e thanë politikanët, e thanë ekspertët.
Po reflektoja për këtë sepse vij nga Spanja. Dhe atje kemi një Kryeministër, socialist, gruaja, vëllai, tre ministra dhe ish-Kryeministri Zapatero janë përpara gjykatësve sot.
Fatkeqësisht shoh disa tendenca të ngjashme. Këto të ashtuquajtura parti socialiste, mendoj se e kanë të njëjtin problem brenda dhe jashtë Bashkimit Evropian. Dhe ne po e vuajmë këtë.
Ajo që ndodh brenda Bashkimit Evropian ka një pasojë. Sa qeveri socialiste ka sot në Bashkimin Evropian? Dikush?
Sa qeveri socialiste ka në Evropë? Spanja dhe Malta. Danimarka tani po formojnë një qeveri të re, ndoshta e humbën. Pra, janë vetëm Spanja dhe Malta. Kjo ju tregon se shoqëritë evropiane janë lodhur nga socializmi, socializmi i rremë, sepse është i rremë. Ata nuk i mbrojnë punëtorët. Mbrojnë veten e tyre”, deklaroi europarlamentari gjatë një takimi në selinë e PD me anëtarët e rinj të Këshillit Kombëtar të PD. m.k
