Struktura e Posaçme Kundër Korrupsionit dhe Krimit të Organizuar (SPAK) ka marrë në pyetje ndërtuesin Pandeli Carapuli në kuadër të një hetimi për veprën penale të pastrimit të parave.
Burime bëjnë me dije se Carapuli është paraqitur në ambientet e SPAK i shoqëruar nga avokati i tij, ku është marrë në pyetje nga prokurorët e posaçëm lidhur me çështjen që po hetohet.
Deri më tani nuk janë bërë publike detaje të tjera mbi përmbajtjen e dëshmisë së tij apo elementët konkretë të dosjes hetimore. Megjithatë, burimet konfirmojnë se emri i ndërtuesit është përfshirë në hetimet që po zhvillohen për dyshime mbi pastrim parash.
