Protesta kundër qeverisë ka vijuar edhe këtë mbrëmje para Kryeministrisë, në Bulevardin “Dëshmorët e Kombit”, ku mijëra qytetarë janë mbledhur për të larguar Kryeministrin Rama.
Gjatë tubimit, protestuesit kanë lëshuar thirrje kundër kryeministrit Edi Rama, duke brohoritur disa herë: “Edi Rama, o i pangopur, dorëhiqu!”. Në duar ata mbanin pankarta me mesazhe kundër qeverisë, si dhe flamuj kombëtarë.
Kjo është protesta e pestë radhazi e organizuar kundër Ramës . Protestuesit kanë artikuluar këtë mbrëmje një sërë kërkesash, mes të cilave dorëheqjen e qeverisë, anulimin e projektit të Zvërnecit, si dhe shfuqizimin e paketave ligjore që lidhen me Paketën e Maleve dhe investitorët strategjikë.a.b
