Presidenti i Partisë së Lirisë, Ilir Meta, është nxjerrë mëngjesin e kësaj të marte nga ambientet e paraburgimit “313”, për t’u nisur drejt Çepanit të Skraparit, ku do t’i japë lamtumirën e fundit babait të tij, Rexhep Meta.
Sipas informacioneve, Meta ka dalë nga paraburgimi rreth orës 07:00, nën masa të rrepta sigurie dhe i shoqëruar nga efektivë të Policisë së Burgjeve.
Ish-Presidenti do të marrë pjesë në ceremoninë mortore që zhvillohet në vendlindjen e familjes, në Çepan të Skraparit, ku familjarë, të afërm, miq dhe bashkëfshatarë do t’i japin lamtumirën e fundit Rexhep Metës, i cili u nda nga jeta pak ditë më parë.
