Ish Presidenti Ilir Meta lajmëroi sot humbjen e të atit, Rexhep Meta duke lënë pas dhimbje të madhe te familjarët, të afërmit dhe miqtë e tij.
Lajmi është bërë i ditur nga Meta përmes një njoftimi në rrjete sociale përmes një njoftimi publik, ku shprehet hidhërimi për humbjen e njeriut të tij të dashur.
Sipas njoftimit, ceremonia e përcjelljes për në banesën e fundit do të zhvillohet nesër, më 2 qershor, në orën 12:00, në vendlindjen e të ndjerit, në Çepan të Skraparit, duke respektuar edhe amanetin e tij.
Familja ka bërë me dije gjithashtu se pritjet e ngushëllimeve për miqtë, të afërmit dhe dashamirësit do të organizohen më 3 qershor në Tiranë. Detajet për vendin dhe orarin e saktë do të komunikohen në vijim.
“Të dashur të afërm, miq dhe dashamirës, me dhimbje të thellë po ndaj me ju lajmin e trishtë, për mua dhe gjithë familjen tonë, të ndarjes nga jeta të babait tonë të mrekullueshëm, Rexhep Meta”, thuhet në njoftimin e familjes Meta.
POSTIMI I METËS/ Të dashur të afërm, miq dhe dashamirës,
Me dhimbje të thellë po ndaj me ju lajmin e trishtë, për mua dhe gjithë familjen tonë, të ndarjes nga jeta të babait tonë të mrekullueshëm, Rexhep Meta.
Në respekt edhe të amanetit të tij, ceremonia e përcjelljes për në banesën e fundit do të zhvillohet, nesër, më 2 qershor, në ora 12:00, në vendlindjen e tij në Çepan të Skraparit.
Ndërkohë për të gjithë miqtë dhe dashamirësit, familja do të bëjë pritjet e ngushëllimeve në datën 3 qershor në Tiranë, vendin dhe orën e saktë, do t’ju a komunikojmë në vijim. a.b
