Qindra qytetarë dolën në protestë në qendër të Tiranës, duke reaguar ndaj ngjarjeve të ndodhura në Zvërnec, ku një ditë më parë pati përplasje dhe incidente gjatë kundërshtimit të një projekti ndërtimi në zonë.
Tubimi nisi para Ministrisë së Brendshme dhe më pas protestuesit marshuan drejt Kryeministrisë, ku shprehën kundërshtimin e tyre ndaj asaj që e cilësuan si dhunë ndaj qytetarëve që morën pjesë në protestën e së shtunës.
Pjesëmarrësit dënuan veprimet ndaj protestuesve, duke pretenduar se disa prej tyre u shoqëruan me forcë dhe u trajtuan në mënyrë të papranueshme nga efektivë të sigurisë private.
Gjatë protestës, qytetarët kërkuan ndërhyrjen e institucioneve përgjegjëse për zgjidhjen e situatës dhe përsëritën kundërshtimin ndaj ndërtimeve të planifikuara në zonën e Zvërnecit.
“Anuloni projektin”, “Shqipëria e shqiptarëve”, “Shqipëria nuk shitet” dhe “Duam dorëheqje” ishin disa nga thirrjet e dëgjuara gjatë protestës. Organizatorët dhe pjesëmarrësit theksuan se tubimi ishte qytetar dhe i pavarur nga mbështetja e çdo force politike.a.b
