Kryetari i Partia Demokratike e Shqipërisë, Sali Berisha, ka zhvilluar një takim me Sekretaren e Përgjithshme të Partia Popullore Europiane dhe eurodeputeten Dolors Montserrat, ku në fokus të diskutimeve kanë qenë zhvillimet politike në Shqipëri dhe procesi i integrimit europian.
Në takim, Berisha shoqërohej nga Fatmir Mediu, Albana Vokshi dhe sekretari i Departamentit për Marrëdhëniet Ndërkombëtare të PD-së, Enri Çeno.
Sipas Berishës, gjatë bisedës u diskutua mbi sfidat e demokracisë në Shqipëri, largimin masiv të të rinjve, gjendjen e shtetit ligjor dhe nevojën për zgjedhje të lira dhe të ndershme.
Kreu demokrat theksoi se shqiptarët e meritojnë integrimin në Bashkimi Europian, por sipas tij, korrupsioni sistemik, kapja e institucioneve dhe narkoregjimi mbeten pengesa serioze për përmbushjen e standardeve europiane.
Berisha shprehu gjithashtu mirënjohjen për mbështetjen që PPE dhe Dolors Montserrat i kanë dhënë Partisë Demokratike ndër vite, duke e cilësuar këtë mbështetje si jetike për opozitën shqiptare dhe për mbrojtjen e vlerave demokratike.
Ndërkohë, Berisha bëri të ditur se ka zhvilluar edhe një takim me senatorin italian Raffaele De Rosa, anëtar i Komisionit për Çështjet e Jashtme dhe të Mbrojtjes në Senatin Italian, si dhe me bashkëpunëtorët e tij Dr. Aniello Iacomino dhe Dr. Francesca Marino. Gjatë këtij takimi, lideri demokrat falënderoi Italinë për mbështetjen ndaj Shqipërisë, ndërsa ngriti shqetësime për situatën politike në vend, korrupsionin, emigracionin dhe atë që e cilësoi si kapje të shtetit nga krimi i organizuar.a.b
