Anëtari i Komisionit të Prokurimit Publik, Kreshnik Tërnova, ka qëndruar për rreth dy orë në ambientet e SPAK, ku është marrë në pyetje në lidhje me hetimet për aferën “AKSHI” dhe dyshimet për trukim tenderash në KPP.
Burime pranë hetimit bëjnë me dije se Tërnova është pyetur nga prokurorët e posaçëm për procedurat e prokurimeve dhe dyshimet për favorizime në tendera.
Hetimet janë fokusuar edhe te dyshimet për lidhje të drejtpërdrejta mes Tërnovës dhe biznesmenit Ermal Beqiri.
Sipas burimeve, SPAK ka ndërmarrë veprime konkrete hetimore ndaj anëtarit të KPP-së. Agjentët e BKH-së kanë ushtruar kontroll në banesën e tij, ndërsa i është sekuestruar edhe telefoni celular, çka tregon se hetimi ka hyrë në një fazë të avancuar.a.b
