GJKKO nuk pranon pushimin e akuzës për Jonaid Myzyrin, SPAK-ut i lihen 45 ditë për akt-ekspertim.
Gjykata e Posaçme Kundër Korrupsionit dhe Krimit të Organizuar nuk ka pranuar kërkesën për pushimin e akuzës ndaj Jonaid Myzyri, duke vendosur kthimin e akteve për plotësim hetimesh.
Vendimi është marrë nga gjyqtari Paulin Çera, i cili i ka lënë SPAK-ut një afat prej 45 ditësh për kryerjen e veprimeve shtesë hetimore.
Sipas vendimit, Prokuroria e Posaçme duhet të realizojë një akt-ekspertimi nga ekspertë të pavarur lidhur me mënyrën e ndjekjes së procedurave nga Jonaid Myzyri.
Pas përfundimit të ekspertimit dhe plotësimit të hetimeve, SPAK pritet të rikthejë sërish dosjen në gjykatë për vijimin e procedurave të mëtejshme.a.b
