Bashkimi i forcave në Kuvend për rezolutën lidhur me anëtarësimin në BE është përshendetur nga Kryeministri Edi Rama pas tri ditë heshtjeje. Megjithatë në shënimin e tij të javës ai e relativizon rëndësinë e votimit të opozitës duke e konsideruar se edhe pa të bllokimi nuk ekziston. Analistë në Tiranë e kanë parë votimine. Opozitës si një përpjekje finale për të çbllokuar IBAR dhe procesin pas dështimit të qeverisë për të avancuar me procesin.
“Shënimi i fundit është për diçka të mirëseardhur në Kuvendin e Shqipërisë, ku befasisht, por e përsëris pozitivisht, forcat opozitare të Kuvendit të Shqipërisë u bashkuan me shumicën qeverisëse për një rezolutë të lidhur me anëtarësimin në Bashkimin Europian. Më vjen mirë realisht që ndodhi diçka e tillë. Do të ishte mirë të ndodhte vazhdimisht kur flasim për anëtarësimin në Bashkimin Europian, por edhe një herë e vetme, prapë se prapë, është një herë me vlerën e vet dhe më vjen mirë po ashtu që, me sa unë kuptoj, e kanë kuptuar që procesi është i pandalshëm, që bllokimi i shumëpërfolur nuk ekziston, që së shpejti do të vijë edhe lajmi i ri dhe i mirë, si të gjitha lajmet për hapjen e kapitujve, të kapërcimit në fazën tjetër të procesit dhe do të hapet edhe rruga për fillimin e mbylljes së kapitujve të negociatave. Kështu që bashkimi, sado i befasishëm dhe sado i ngutur në “varkën e Shqipërisë europiane”, ku ne jemi aty prej kohësh dhe ku vendin e kanë gjithmonë aty, është plotësisht i mirëseardhur”, shkruan Rama. a.b
