Shqipëria është kualifikuar në Finalen e Madhe të Eurovision Song Contest 2026. Artisti shqiptar Alis arriti të sigurojë një vend në natën finale pas performancës së tij në gjysmëfinalen e dytë të konkursit që po zhvillohet në Vjenë.
Me këngën Nân, Alis solli një interpretim vokal emocional dhe energjik, duke marrë ovacione nga publiku në arenën Wiener Stadthalle dhe vlerësime të shumta nga fansat e Eurovisionit.
Performanca shqiptare u shoqërua me efekte vizuale moderne dhe një skenografi dinamike, ndërsa reagimi i publikut në fund të interpretimit u konsiderua ndër më entuziastët e mbrëmjes. Gjatë javës së Eurovisionit, media dhe komentatorë të ndryshëm europianë e kishin renditur “Nân” mes performancave më të forta vokalisht të këtij edicioni.
Në finalen e së shtunës, Shqipëria do të performojë e pesta në renditje. Mbrëmja do të hapet nga Danimarkë, e ndjekur nga Gjermani dhe Izrael.
Finalja e Eurovision Song Contest 2026 do të transmetohet drejtpërdrejt në Radio Televizioni Shqiptar, përmes RTSH1, RTSH Muzikë dhe Radio Tirana.
Renditja e shteteve finaliste:
- Danimarkë – Søren Torpegaard Lund – “Før Vi Går Hjem”
- Gjermani – Sarah Engels – “Fire”
- Izrael – Noam Bettan – “Michelle”
- Belgjikë – ESSYLA – “Dancing on the Ice”
- Shqipëri – Alis – “Nân”
- Greqi – Akylas – “Ferto”
- Ukrainë – LELÉKA – “Ridnym”
- Australi – Delta Goodrem – “Eclipse”
- Serbi – LAVINA – “Kraj Mene”
- Maltë – AIDAN – “Bella”
- Çeki – Daniel Zizka – “CROSSROADS”
- Bullgari – DARA – “Bangaranga”
- Kroaci – LELEK – “Andromeda”
- Mbretëria e Bashkuar – LOOK MUM NO COMPUTER – “Eins, Zwei, Drei”
- Francë – Monroe – “Regarde !”
- Moldavi – Satoshi – “Viva, Moldova!”
- Finlandë – Linda Lampenius x Pete Parkkonen – “Liekinheitin”
- Poloni – ALICJA – “Pray”
- Lituani – Lion Ceccah – “Sólo Quiero Más”
- Suedi – FELICIA – “My System”
- Qipro – Antigoni – “JALLA”
- Itali – Sal Da Vinci – “Per Sempre Sì”
- Norvegji – JONAS LOVV – “YA YA YA”
- Rumani – Alexandra Căpitănescu – “Choke Me”
- Austri – COSMÓ – “Tanzschein”
Sipas rregullave të votimit, publiku do të mund të votojë deri në 10 herë për këngën e preferuar gjatë finales. Për vendet jo pjesëmarrëse, votimi online do të jetë i disponueshëm në ESC Vote.
