Rama përplaset me Spiropalin në mbledhjen e PS, ultimatum për postimet kundër partisë.
Kryeministri Edi Rama raportohet se ka kritikuar ashpër ish-ministren dhe deputeten socialiste Elisa Spiropali gjatë një mbledhjeje me dyer të mbyllura të Grupit Parlamentar të Partia Socialiste e Shqipërisë dhe qeverisë.
Sipas burimeve, Rama i ka kërkuar Spiropalit të ndalë qëndrimet publike dhe postimet në rrjetet sociale kundër qeverisë dhe Partisë Socialiste, duke i bërë të qartë se duhet të zgjedhë mes mbështetjes së partisë ose përballjes me të.
“O me ne, o përballë nesh, merr frymë thellë dhe kupto atë që ke bërë”, mësohet të jetë shprehur Rama gjatë mbledhjes pa praninë e mediave.
Burimet bëjnë me dije se Spiropali ka kërkuar të marrë fjalën gjatë diskutimeve, por kjo kërkesë i është refuzuar.
“Ke postuar 2 herë në rrjete sociale, herën e 3-të do të përjashtohesh”, mësohet të ketë deklaruar Rama. Më tej ai është shprehur: “Unë po bëj replikë për çfarë ke shkruar ti. Je akoma këtu sepse nuk dua që PS të humbasë investimin që ka bërë”.
Gjithashtu, kryeministri raportohet se i ka përmendur edhe qëndrimet e mëparshme të Spiropalit në raport me grupin parlamentar, duke thënë: “Herën e parë nuk votove, herën e dytë bëre çarçaf, herën e 3-të del nga Grupi”.a.b
