Kreu i Partia Demokratike e Shqipërisë, Sali Berisha, deklaroi pas takimit me një zyrtar të CDU se është rënë dakord për intensifikimin e bashkëpunimit në funksion të procesit të integrimit europian të Shqipërisë.
Në një deklaratë për mediat, Berisha vlerësoi mbështetjen e vazhdueshme të zyrtarëve të Bundestag ndaj demokratëve shqiptarë, si në opozitë ashtu edhe në qeverisje, duke i cilësuar ata si miq të çmuar të Partisë Demokratike.
Ai tha se gjatë takimit ka informuar për zhvillimet politike në vend, duke akuzuar kryeministrin Edi Rama për deformim të procesit zgjedhor dhe përqendrim të pushteteve.
Berisha ngriti gjithashtu shqetësimin për ndikimin e krimit të organizuar dhe trafikut të drogës në Shqipëri, duke e konsideruar këtë një pengesë serioze për rrugën europiane të vendit.
Sipas tij, procesi i integrimit të Shqipërisë në Bashkimin Europian duhet të jetë i bazuar në meritë dhe në përmbushjen e standardeve, pasi vetëm kështu u shërben interesave të qytetarëve shqiptarë dhe vetë BE-së.
Në fund, kreu i PD-së theksoi se vendi ka potencial për të avancuar drejt BE-së, por sipas tij kjo nuk mund të realizohet me qeverisjen aktuale.a.b
