Kreu i Partisë Demokratike, Sali Berisha, ka lëshuar akuza të ashpra ndaj qeverisë së kryeministrit Edi Rama dhe mediave në vend, duke i cilësuar këto të fundit si “mafia mediatike shqiptare”, që sipas tij është vënë në mbrojtje të qeverisë dhe kundër opozitës.
Në një deklaratë për mediat, Berisha tha se mazhoranca dhe përfaqësues të saj në Parlament veprojnë si “organizatë kriminale”, duke pretenduar se vendimet dhe votat e tyre lidhen me korrupsionin dhe vjedhjen e pasurive publike.
Sipas kreut të demokratëve, në Shqipëri nuk zbatohet ligji për konfliktin e interesit dhe pushteti përdoret për përfitime personale nga zyrtarët dhe familjarët e tyre.
Berisha u ndal edhe te situata politike në vend, duke e cilësuar atë “të jashtëzakonshme”, ndërsa akuzoi qeverinë për manipulim të zgjedhjeve dhe për shpërdorim të fondeve publike.
Ai vlerësoi gjithashtu protestat e opozitës dhe mbështetësve të Partisë Demokratike, duke thënë se kanë dhënë një kontribut të rëndësishëm përballë qeverisë. a.b
