Deputetët e PD, Gazmend Bardhi, Elda Hoti, Bledion Nallbati dhe Xhelal Mziu, janë paraqitur këtë të martë në Gjykatën e Posaçme Kundër Korrupsionit dhe Krimit të Organizuar (GJKKO), ku janë thirrur në cilësinë e kallëzuesve dhe dëshmitarëve në procesin gjyqësor që lidhet me Zyra Islamajn.
Sipas të dhënave, në këtë çështje kanë paraqitur kallëzim gjithsej 10 deputetë, të cilët pritet të japin dëshmitë e tyre në kuadër të procesit gjyqësor.
Ndërkohë, në ambientet e GJKKO-së është paraqitur edhe ish-drejtoresha e IKMT-së, Dallëndyshe Bici.
Zyra Islamaj u komandua në krye të Bashkisë së Tropojës në shtator të vitit 2024, pas masës së arrestit shtëpiak të kryebashkiakut Rexhë Byberi.a.b
