Policia e Vlorës ka shpallur në kërkim tre persona të dyshuar si të përfshirë në konfliktin e ndodhur një ditë më parë, ku humbi jetën një 63-vjeçar.
Sipas policisë, viktima Ismail Aliaj dyshohet se është dhunuar fizikisht me grushte dhe shkelma nga tre persona gjatë një përplasjeje, plagë të cilave nuk ka mundur t’u mbijetojë.
Në lidhje me ngjarjen janë shpallur në kërkim Anxhelo Ceci, 31 vjeç, Xhafer Ngucaj, 34 vjeç dhe Eni Hysaj, 23 vjeç, të cilët dyshohen se kanë marrë pjesë në dhunimin e viktimës.
Tre të rinjtë akuzohen për veprën penale “Vrasja me dashje”, e kryer në bashkëpunim, ndërsa policia po vijon kontrollet për kapjen e tyre dhe zbardhjen e plotë të rrethanave të ngjarjes.
