Dy shtetas të huaj janë gjetur të pajetë pasditen e së shtunës në një zonë malore të qarkut të Korçë.
Sipas informacionit paraprak nga policia, ngjarja është konstatuar më 4 prill 2026 rreth orës 17:00, në malin e Kamenicës, në vendin e quajtur “Qyngji”. Viktimat dyshohet se janë emigrantë nga Afrika, të moshës rreth 20–22 vjeç.
Nga këqyrja paraprake e trupave nuk janë konstatuar shenja dhune, ndërsa autoritetet presin rezultatet e ekspertizës mjekoligjore për të përcaktuar shkakun e saktë të humbjes së jetës.
Në vendngjarje ka shkuar grupi hetimor, i cili po punon nën drejtimin e Prokurorisë për të zbardhur plotësisht rrethanat e kësaj ngjarjeje. m.k
