Po zhvillohet në stadiumin “Fadil Vokrri” në Prishtinë përballja vendimtare mes Kosovës dhe Turqisë, finalja e play-off-it që do të përcaktojë skuadrën që do të sigurojë biletën për në Kupën e Botës 2026. Pjesa e parë është mbyllur me rezultaton 0-0.
Kosova synon të shkruajë historinë duke marrë pjesë për herë të parë në një Botëror, ndërsa Turqia kërkon rikthimin në këtë kompeticion pas 24 vitesh mungesë. Kombëtarja turke ka qenë tri herë pjesëmarrëse në Kupën e Botës dhe synon të rikthehet sërish në skenën më të madhe të futbollit.
Pavarësisht rivalitetit në fushë, atmosfera në Prishtinë ka qenë festive që para nisjes së ndeshjes. Tifozë nga të dy vendet janë parë duke festuar së bashku në rrugët e kryeqytetit kosovar. Në mesin e tyre nuk kanë munguar flamujt e UÇK-së, flamuri kombëtar shqiptar dhe ai i Kosovës.
Në stadiumin “Fadil Vokrri” ndodhen mbi 13 mijë tifozë, ndërsa rreth 700 prej tyre kanë ardhur nga Turqia për të mbështetur kombëtaren e tyre.
Formacionet zyrtare:
Kosova (5-3-2): Muric; Vojvoda, Dellova, Hajrizi, Hajdari, Gallapeni; Hoxha, Rexhbecaj; Muslija; Asllani, Muriqi.
Trajner: Franco Foda
Turqia (4-2-3-1): Cakir; Çelik, Kokçu, Akturkoglu, Guler; Calhanoglu, Yildiz; Bardakci, Kabak, Yuksek, Kadioglu.
Trajner: Vincenzo Montella.
