Policia e Tiranës ka finalizuar operacionin e koduar “Qëllimi”, duke goditur një rast të tentativës për shitje të armëve të zjarrit. Në pranga ka rënë një 40-vjeçar, i cili dyshohet se lëvizte me automjet për të shitur një pistoletë.
Gjatë operacionit u arrestua në flagrancë shtetasi I. M., 40 vjeç, ndërsa u vu në pranga edhe shtetasi A. S., 35 vjeç, për moskallëzim krimi. Të dy janë banues në Kamëz.
Policia ndaloi automjetin e tyre në zonën e njohur si “Zona e Treshit”. Nga kontrolli fizik i 40-vjeçarit u gjet një armë zjarri pistoletë me municion luftarak, e cila dyshohet se do të shitej në atë zonë.
Arma u sekuestrua në cilësinë e provës materiale, ndërsa materialet procedurale i janë referuar Prokurorisë së Tiranës për veprime të mëtejshme.a.b
