Ka përfunduar procesi i votimit për zgjedhjen e kryetarit të ri të degës nr.2 te degës së Partisë Demokratike në Durrës. Nga numërimi i votave ka rezultuar fitues Osman Stafa, i cili do të drejtojë demokratët në qytetin bregdetar.
Stafa ka siguruar 336 vota, duke lënë pas rivalin e tij Selman Drizi, i cili ka marrë 238 vota. Me këtë rezultat, Stafa zgjidhet kryetar dehës nr 2, i PD-së në Durrës.
Ndërkohë, procesi zgjedhor për drejtimin e degëve të Partisë Demokratike ka vijuar edhe në Elbasan ku është mbyllur procesi i votimit për zgjedhjen e kryetarit të ri.
Kreu i komanduar i PD-së në Elbasan, Gani Cani, bëri të ditur se procesi ka vijuar normalisht që nga ora 08:00 deri në orën 18:00, kur është mbyllur votimi. Sipas tij, në votim kanë marrë pjesë 1208 anëtarë me të drejtë vote.
Në garë për drejtimin e degës së PD-së në Elbasan janë Durim Çekrezi, i cili aktualisht drejton përkohësisht degën pas largimit të Blendi Himçit; Elior Vila, pedagog; Lumturi Hasa, mjeke dhe ish-kandidate për deputete; Sokol Shkëlzeni, me eksperiencë të gjatë në strukturat e PD-së; si dhe Alis Narazani, përfaqësues i një brezi më të ri politik. a.b
