Një ngjarje e rëndë ka ndodhur pasditen e sotme në qarkun e Fier, ku një i moshuar dyshohet se ka vrarë bashkëshorten e tij dhe më pas ka vrarë veten.
Sipas informacionit paraprak nga policia, rreth orës 14:30 në fshatin Kuman, shtetasi Sherif Rrapaj, rreth 80 vjeç, dyshohet se ka qëlluar me armë zjarri (pushkë) bashkëshorten e tij, shtetasen Dashurie Rrapaj, rreth 75 vjeçe, brenda banesës së tyre.
Pas krimit, i moshuari dyshohet se ka qëlluar edhe veten me të njëjtën armë, duke humbur jetën në vendngjarje.
Menjëherë pas njoftimit, në vendin e ngjarjes kanë mbërritur shërbimet e policisë dhe grupi hetimor, të cilët po kryejnë veprimet procedurale për të zbardhur plotësisht rrethanat dhe shkaqet e kësaj ngjarjeje të rëndë.
Ndërkohë, hetimet vijojnë për të dokumentuar çdo detaj që lidhet me rastin.
