Një aksident me pasojë vdekjen është regjistruar mesditën e sotme në Tiranë.
Sipas njoftimit të Policisë, më 22 mars 2026, rreth orës 13:50, në aksin rrugor Baldushk–Vishnje, shtetasi me inicialet B. Z., rreth 28 vjeç, dyshohet se ka humbur kontrollin mbi drejtimin e motomjetit që drejtonte.
Si pasojë e humbjes së kontrollit, motomjeti është përplasur me barrierat anësore të rrugës. Nga përplasja, i riu ka ndërruar jetë në vendngjarje.
Në vendin e aksidentit ka mbërritur grupi hetimor, i cili po vijon punën për zbardhjen e plotë të rrethanave dhe shkaqeve të aksidentit.
Ndërkohë, materialet procedurale i janë referuar Prokurorisë së Tiranës për veprime të mëtejshme hetimore.a.b
