Një person i arrestuar dy ditë më parë ka ndërruar jetë në ambientet e bllokut të sigurisë në Tiranë.
Sipas informacionit paraprak, më 20 mars 2026, rreth orës 05:45, në rrugën “Mine Peza”, pranë Bllokut të Sigurisë, ka humbur jetën shtetasi me inicialet B. P., 41 vjeç. Ai ishte arrestuar më 18 mars 2026 për veprën penale “Vjedhja e mbetur në tentativë”.
Burime zyrtare bëjnë me dije se dyshohet që vdekja të ketë ardhur për shkaqe natyrale, megjithatë autoritetet kanë nisur verifikimet për të sqaruar plotësisht rrethanat e ngjarjes.
Ndërkohë, po kryhen procedurat përkatëse hetimore dhe pritet edhe ekspertiza mjeko-ligjore për të përcaktuar shkakun e saktë të vdekjes. a.b
