Një sasi e konsiderueshme kanabisi është zbuluar nga policia gjatë një aksioni të zhvilluar këtë të enjte në zonën e Peqinit.
Sipas burimeve zyrtare, gjatë kontrollit në një banesë janë gjetur rreth 4 mijë rrënjë kanabis, të kultivuara në ambiente të përshtatura si “shtëpi bari”. Nga verifikimet paraprake rezulton se banesa i përket drejtorit të Burgut të Rrogozhinës, Bilal Hasa.
Pas zbulimit të lëndës narkotike, policia ka shpallur në kërkim Hasën, pasi ai nuk është gjetur as në banesë dhe as në vendin e tij të punës.
Burime nga hetimi bëjnë me dije se në banesë ishin krijuar kushte për kultivimin e kanabisit në mënyrë intensive, ndërsa policia ka sekuestruar bimët dhe po vijon hetimet për të zbardhur plotësisht këtë rast.a.b
