Në çastin kur shqyen derën
Policia e Vlorës ka finalizuar operacionin policor të koduar “Again”, duke arrestuar autorin e dyshuar të vjedhjes së shumave të parave në dy minimarkete në qytet.
Specialistët për Hetimin e Krimeve në Komisariatin e Policisë Vlorë kapën dhe vunë në pranga shtetasin E. K., 33 vjeç, banues në lagjen “Rilindja”, i dënuar më parë për vjedhje.
Nga hetimet rezulton se më 29.01.2026 në lagjen “Pavarësia 2” dhe më 31.01.2026 në lagjen “Isa Boletini”, ai dyshohet se ka vjedhur shuma parash dhe steka cigaresh nga dy subjekte tregtare.
Vijon puna për dokumentimin e rasteve të tjera të dyshuara, ndërsa materialet procedurale i janë referuar Prokurorisë së Vlorës për veprime të mëtejshme ligjore.
