3 oficerë të Stacionit të Policisë Orikum janë vënë në pranga, të dyshuar për veprat penale të korrupsionit dhe shpërdorimit të detyrës. Mes të arrestuarve ndodhet edhe shefi i stacionit të policisë.
Sipas burimeve zyrtare nga Policia, bëhet fjalë për Daniel Liskendaj, me detyrë inspektor i krimeve pranë Stacionit të Policisë Orikum, Artur Jancaj, shef i Stacionit të Policisë Orikum, si dhe Afrim Ferra, specialist i Policimit në Zonë në të njëjtin stacion.
Nga hetimet paraprake rezulton se këta punonjës policie, në shtator të vitit të kaluar, kanë vepruar në kundërshtim me ligjin, duke keqpërdorur detyrën dhe kompetencat e tyre. Ata dyshohet se i kanë kërkuar dhe marrë një shtetasi shumën prej 270 mijë lekësh, në këmbim të mosndjekjes penale dhe shmangies nga përgjegjësia ligjore. a.b
