Shkon në pesë numri i personave në kërkim për skemën e Call Center-it.
Shkon në pesë numri i personave të shpallur në kërkim në lidhje me aktivitetin e paligjshëm të Call Center-it, që u godit nga autoritetet pas një operacioni të gjerë hetimor. Burime zyrtare bëjnë me dije se dy emra të tjerë janë shtuar në listën e personave në kërkim.
Sipas informacionit të fundit, në kërkim janë shpallur edhe Klaudio Kaçupi dhe Hysen Xhepexhiu, të cilët dyshohet se kanë pasur role në funksionimin e kësaj skeme. Autoritetet po vijojnë hetimet për lokalizimin dhe kapjen e tyre.
Ndërkohë, më herët janë arrestuar disa persona në flagrancë, si dhe janë ekzekutuar urdhra ndalimi për të tjerë, ndërsa hetimet po thellohen për zbardhjen e plotë të aktivitetit kriminal dhe identifikimin e personave të përfshirë.
Në total, janë arrestuar në flagrancë 6 persona, ndërsa për 2 të tjerë janë ekzekutuar urdhra ndalimi. Janë shpallur në kërkim edhe 3 persona të tjerë, konkretisht tre vëllezërit Prekaj: Agim, Alfred dhe Arjan Prekaj, të dyshuar si organizatorët e kësaj skeme. a.b
