Gjykata e Lartë
Gjykata e Lartë në mënyrë të papritur ka bllokuar zgjerimin e hetimeve për ‘Toyota Yaris’ një ndër çështjet më të ndjeshme.
Kjo gjykatë ka vendosur rikthimin për rishqyrtim në Gjykatën e Posaçme të Apelit për Korrupsionin dhe Krimin e Organizuar të dosjes së njohur si “Toyota Yaris”, ku ishte dënuar prokurori i Vlorës, Aurel Zarka. Me vendimin e saj, Gjykata e Lartë prishi vendimin nr. 62 (87-2025-398), datë 12.11.2025, të GJKKO Apelit dhe e dërgoi çështjen për rishqyrtim në të njëjtën gjykatë, por me një trupë tjetër gjykuese.
Në këtë dosje, GJKKO kishte shpallur fajtor prokurorin Aurel Zarka, ndërsa më pas Gjykata e Posaçme e Apelit, pas ankesës së tij, kishte vendosur rihetimin e çështjes, duke e cilësuar atë si veprimtari e një grupi të strukturuar kriminal. Ky vendim i Apelit do të sillte zgjerimin e hetimeve për skandalin “Toyota Yaris”, i cili në periferinë e tij përfshinte edhe emra të njohur të politikës.
Megjithatë, Gjykata e Lartë e ka rrëzuar vendimin e Apelit që parashikonte zgjerimin e hetimit, duke e rikthyer çështjen për rishqyrtim. a.b
