Specialistët për Hetimin e Krimeve në Komisariatin e Policisë Vlorë kanë referuar materiale në Prokurori dhe kanë nisur procedim penal ndaj dy shtetasve, të dyshuar për ndotje të ajrit.
Sipas njoftimit zyrtar, shtetasit A. G., 34 vjeç dhe D. H., 27 vjeç, dyshohet se më datë 09.01.2026, në fshatin Panaja, kanë djegur me zjarr disa goma automjetesh të përdorura. Si pasojë e këtij veprimi, është shkaktuar ndotje e ajrit dhe shqetësim për mjedisin dhe banorët e zonës.
Materialet procedurale i janë referuar Prokurorisë për veprime të mëtejshme ligjore. a.b
