Një person humbi jetën sot në Shkodër pas një shpërthimi që ndodhi në hyrjen e pallatit, shpërthim që ndodhi në një panel elektrik në hyrje të ndërtesës. Dyshimet janë për një sasi eksplozivi të vendosur në panel.
“Rreth orës 10:10, në lagjen “Manush Alimani”, në hyrjen e një pallati, dyshohet se ka shpërthyer paneli i matësave të energjisë elektrike.
Si pasojë u dëmtua një shtetas ende i paidentifikuar, rreth 55 vjeç, i cili ka humbur jetën në Spitalin Rajonal Shkodër.
Grupi hetimor nën drejtimin e Prokurorisë po punon për dokumentimin e rrethanave, identifikimin e shtetasit që ka humbur jetën dhe për përcaktimin e shkakut të shpërthimit të matësave elektrikë”, njoftoi policia. a.b
