Alket Rizai, i cili prej disa ditësh është në kërkim nga autoritetet greke pasi nuk u kthye në burg pas përfundimit të lejes, del tashmë edhe në një tjetër dosje të rëndë kriminale që po hetohet në Greqi.
Bëhet fjalë për vrasjen e 42-vjeçarit Antonis Papadatos, i ekzekutuar më 15 shkurt 2026 brenda burgut të sigurisë së lartë në Domokos. Papadatos u qëllua me tre plumba në kokë, ndërsa hetimet për zbardhjen e ngjarjes vijojnë ende.
Sipas materialeve të publikuara nga televizioni grek SKAI, pamjet e kamerave të sigurisë, së bashku me dëshmitë e personave që ndodheshin në burg në momentin e ngjarjes, e vendosin Alket Rizain në zonën ku ndodhi vrasja.
Megjithatë, Rizai ka mohuar se ndodhej në vendin ku u vra Papadatos, duke kundërshtuar kështu informacionet që po shqyrtohen nga autoritetet greke në kuadër të hetimit.
Emri i Rizait është rikthyer në vëmendjen e autoriteteve greke ditët e fundit, pasi ai nuk u kthye në burgun e Domokosit pas përfundimit të lejes së dhënë nga autoritetet. Policia greke vijon kërkimet për gjetjen dhe arrestimin e tij.a.b
