Kryeministri Edi Rama i doli në krah sot nën zë, korrupsionit në AKSHI, pothuajse me të njëjtin ritëm si në rastin e Ballukut, duke përdorur retorikë për parimet por duke lënë pas shpinës krimezët e dyshuara që për AKSHI, janë ‘organizatë kriminale’.
Ndërsa publikoi disa shifra nga një raport i BB për nivelin e digjitalizimit ai tha se kjo është arritur nën drejtimin e AKSHI që drejtohet nga Karçanaj.
“E di që sot AKSHI përballet me një hetim nga SPAKU për përdorimin e fondeve dhe Linda Karçanaj, gruaja që ka udhëhequr jeësimin e vizionit tonë qeverisës, për transformimin historik digjital te qeverisjes se Shqiperise, me dije, vullnet e pwrkushtim tw pwrditshwm për 12 vjet me radhë, gjendet nën nje mase sigurie me një akuze te hatashme, per te cilen duhet pritur me durim vetem nga drejtesia, e s’mund të pritet asgjë nga 700 tenxheret e çorbës politike mediatike, që të dalë dalja deri në fund e vërteta e saj ciladoqoftë ajo.
Por unë di po ashtu, që falë saj dhe skuadrës së AKSHI-it, ku punojnë pa orar plot vajza e djem të talentuar të botës së re tëteknologjisë, Shqipëria ka bërë një kapërcim të madh, krahasuar me vitin 2022 kur ka dalë raporti paraardhës i Bankës Botërore për qeverisjen digjitale”, tha Rama përgjatë podkastit të tij të së dielës.
Rama theksoi pikëzimin në renditjen e BB për digjitalizimin duke theksuar se Shqiplria ka 0.939 pikë nga 1 që ështëmaksimumi, por falë një rritjeje të ndjeshme, krahasuar me raportin paraardhës, ku kishim 0.752, këtë vit kemi kaluar nga vendi i 68-të në vendin e 14-të, duke tejkaluar sipas tij edhe vende me emër të madh, si Danimarka, Singapori apo Mbretëria e Bashkuar, e me radhë.
“Ky është një raport objektiv dhe profesional, i cili vlerëson katër fusha kryesore, që mbulojnë sistemet bazë qeveritare, shërbimet publike online, angazhimin digjital të qytetarëve dhe faktorët mundësues institucionale e ligjorë, dhe pa diskutim nuk justifikon absolutisht asnjë shkelje të ligjit që pretendohet se ka ndodhur në aktivitetin e AKSH-it, gjë që mund të na e thotëvetëm procesi gjyqesor, por nga ana tjetër e gjithë zhurma histerike e 700 tenxhereve të çorbës politike mediatike, nuk e zhbën dot rezultatin fantastik të Shqipërisë, në këtë fushë tëveprimtarisë së AKSHI-t“, këmbëngul Rama. a.b
