Foto nga një operacipn i mëparshëm
Dy të kërkuar për llogari të SPAK kapen në një operacion të Forcës së Posaçme Operacionale, sekuestrohen armë zjarri.
Një operacion i zhvilluar gjatë natës nga Drejtoria e Forcës së Posaçme Operacionale në Departamentin e Policisë Kriminale ka çuar në kapjen e dy personave të shpallur në kërkim për llogari të SPAK.
Operacioni, i cili është kryer nga Forcat operacipnale, është fokusuar në zonën e Fushë-Kuqes, ku uniformat blu ndaluan shtetasit Alket Xhixha dhe Elvin Merlika. Të dy dyshohet se janë të përfshirë në çështje nën hetim nga Prokuroria e Posaçme.
Gjatë kontrollit dhe veprimeve të mëtejshme, policia ka sekuestruar edhe armë zjarri, të cilat dyshohet të jenë përdorur në aktivitetin kriminal të personave të arrestuar. Provat e mbledhura pritet t’i kalojnë SPAK-ut për vijimin e hetimeve.
Burime nga grupi hetimor bëjnë të ditur se operacioni është zhvilluar në kushtet e fshehtësisë, ndërsa priten detaje të tjera zyrtare në orët në vijim.
