Ish-shefi i Qarkullimit Rrugor, Roven Zeka, para SPAK dhe GJKKO
Roven Zeka, ish-shefi i Qarkullimit Rrugor në Tiranë, u paraqit këtë të mërkurë në Prokurorinë e Posaçme (SPAK), ku qëndroi rreth një orë në kuadër të hetimeve që po zhvillohen ndaj tij. Pas daljes nga SPAK, Zeka u drejtua menjëherë drejt Gjykatës së Posaçme, ku ishte caktuar seanca paraprake për çështjen e tij.
Në këtë fazë, gjykata pritet të vendosë nëse dosja ndaj ish-zyrtarit të policisë do të kalojë për gjykim ose do të kthehet për rishqyrtim. Seanca përcakton fatin procedural të akuzave që SPAK ka ngritur. Aktualisht Zeka është nën masën e arrestit në shtëpi.
Burime pranë organit të akuzës bëjnë me dije se ndaj Zekës po hetohet për shpërdorim detyre dhe dyshime të tjera të lidhura me mënyrën e administrimit të detyrave gjatë kohës që drejtonte Qarkullimin Rrugor. r.k
