Humbjen e parakohshme e të papritur e kanë ndjerë edhe politikanët kryesorë të vendit.
Sali Berisha ngushëllon familjarët e Zhejit duke e konsideruar atë si një gazetar dhe publicist të mirënjohur.
”Homazh për Artur Zhejin!
Miq, gazetari, analisti, botuesi, publicisti i mirënjohur Artur Zheji mbylli sot, papritmas dhe parakohe, sytë përgjithmonë. Duke shprehur ngushëllimet e mia më të ndjera familjes, miqve të afërmëve, unë lutem së bashku me ta që shpirti i Arturit të tyre të dashur të gjejë paqen e merituar. Amin”, shkruan Berisha.
Edhe Edi Rama ka postuar duke kujtuar miqësinë mes tyre shumë vite më parë.
”Lamtumirë mik kohësh të tjera dhe e gjetsh matanë paqen për shpirtin”, shkruan Rama.
Artur Zheji u nda sot nga jeta pasdite pas një goditje në zemër. Ai la pas bashkëshorten, dy djem dhe një vajzë. m.k
