Shtyhet sërish seanca për dosjen ‘Partizani’, ndërsa avokati Genc Gjokutaj tha se gjyqtarja refuzoi t’i rikthehej ligjshmërisë.
Avokati Genc Gjokutaj, përfaqësues i mbrojtjes, ka reaguar me tone të forta ndaj qëndrimit të gjyqtares që po ndjek këtë çështje, duke deklaruar se iu mohua e drejta për të ndrequr procesin dhe për të kërkuar pavlefshmërinë e vendimeve të mëparshme.
“Sot i dhamë gjyqtares mundësinë për të revokuar vendimet e mëparshme dhe për të sjellë procesin në shinat e ligjshmërisë, por ajo refuzoi. I bëmë me dije se do të hartojmë një kërkesë për pavlefshmërinë e të gjitha vendimmarrjeve të gjyqtares Irena Gjoka, dhe kërkuam vetëm pak kohë për ta përgatitur ligjërisht këtë kërkesë. Edhe kjo u refuzua,” deklaroi Gjokutaj para mediave pas seancës.
Gjykata ka caktuar një seancë të veçantë, e cila do të zhvillohet më 19 maj, në orën 11:30. a.b
