Momente nga dhuna ndaj Alimadhit
Policia ushtroi dhunë fizike mbrëmë ndaj Adriatik Alimadhit, kreu i Ballit Kombëtar. Ai u dhunua duke u tërhequr zvarrë në nkë lokal në rrugën e Dibrës në Tiranë.
Sot policia ka dhënë shpjegime për incidentin e rëndë duke njoftuar se ka nisur procedimi penal ndaj Adriatik Alimadhit.
“Specialistët për Hetimin e Krimeve në Komisariatin e Policisë Nr. 4 referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë dhe nisën procedimin penal në gjendje të lirë për shtetasin Adriatik Alimadhi, 61 vjeç, i dyshuar për veprën penale “Kundërshtim i punonjësit të rendit publik”.
Ky shtetas dyshohet se, gjatë një kontrolli të ushtruar nga shërbimet e Policisë në një lokal në rrugën e “Dibrës”, me qëllim verifikimin e informacionit se në këtë ambient ushtrohej veprimtaria e paligjshme e lojërave të fatit dhe basteve sportive, ka refuzuar të zbatojë urdhrat e punonjësve të Policisë, duke i kundërshtuar verbalisht dhe fizikisht dhe ka tentuar të largohet nga ambienti, pavarësisht kërkesës për të qëndruar në vendin ku ndodhej, deri në përfundim të procedurës.
Në lidhje me këtë rast, Drejtoria Rajonale e Agjencisë së Mbikëqyrjes Policore Tiranë ka nisur veprimet verifikuese, bazuar në pamjet filmike të publikuara në rrjete sociale dhe pretendimet e paraqitura nga shtetasi në fjalë”, shpjegon policia dule mos dhënë detaje nga dhuna fizile ushtruar ndaj Alimadhit. a.b
