7 makina u përfshinë në aksident sot në Bypassin e Fierit. 6 persona përfshirë edhe një fëmijë u dërguan në spital.
“Rreth orës 15:00, në bypass_in Fier-Vlorë, janë përfshirë në aksident rrugor automjetet me drejtues shtetasit A. B., E. Gj., Sh. K., A. B., V. N., R. M. dhe M. V.
Si pasojë e përplasjes janë dëmtuar dy pasagjeret, shtetaset M. Rr., 52 vjeçe dhe S. Rr., 32 vjeçe, si edhe kanë shkuar në spital për kontroll mjekësor tre prej drejtuesve, shtetasit R. M., 46 vjeç, M. V., 45 vjeç, V. N., 22 vjeçe dhe një foshnjë 1 vjeçe”, njoftoi policia e Fierit.
Grupi hetimor po punon për sqarimin e plotë të rrethanave dhe shkakut të aksidentit. a.b
