Prokuroria e Fierit përfundoi hetimet dhe dërgon në gjyq Ilir Nukaj për veprën penale ‘Plagosje e rëndë me dashje’ me pasojë vdekjen të Namik Rrustemit dhe për veprën penale ‘Plagosje e lehtë me dashje’ zë bashkëshortes së tij.
“Nga hetimet e kryera në fshatin “Hoxhare e Re” (Povelçë), Njësia Administrative Dërmenas, bashkia Fier, shtetasi I.N., për motive të dobta ka ushtruar dhunë fizike ndaj të moshuarve N.R. dhe A.R. (bashkëshortë), ku si pasojë e dhunës së ushtruar ka gjetur vdekjen njëri prej tyre, shtetasi N.R.
Çështja penale dërgohet për gjykim në ngarkim të shtetasit I.N., hetuar më masë sigurimi “Arrest në burg”, njoftoi prokuroria e Fierit. a.b
