Shoferi i betonierës që u përplas nga një benz ku humbën jetën 4 të rinj dha shpjegime sot në lidhje me akdidentin e rëndë.
24-vjeçari Aleksandër Krrashi deklaroi para togave të zeza se pas aksidentit kishte tentuar të hapte derën e makinës tip “Benz”, por pa sukses. Sipas tij, edhe pasi kishte kërkuar ndihmë nga persona të tjerë, dera mbeti e mbyllur.
“Jam larguar vetëm për shkak të frikës nga ndonjë hakmarrje e mundshme”, mësohet të jetë shprehur 24-vjeçari, raporton droni.al
Pavarësisht deklaratave të tij, Gjykata vendosi ta lërë në burg Krrashin, ndërsa për menaxherin e firmës ndërtimore, Danjel Koxha, u caktua masa e sigurisë “detyrim paraqitje”. Ndërkohë, kushëriri i shoferit, Valentin Krrashi, u arrestua dhe do të hetohet në gjendje të paraburgosur, pasi dyshohet se ndihmoi në largimin e Aleksandër Krrashit nga vendi i aksidentit. a.b
