Kreu i PD, Sali Berisha ka vijuar takimet gjatë vizitës në Gjermani.
Ai është takuar me një numër zyrtarësh të lartë të CDU, deputetë të parlamentit gjerman si dhe figura të njohura të politikës gjermane.
Berisha ka takuar me Sekretarin e Përgjithshëm të CDU-së, Dr. Carsten Linnemann, Kryeministrin e landit Renani Veriore-Vestfali, Hendrik Ëüst, deputetët e Bundestagut Gjerman, Volkmar Klein, deputetin Olav Gutting, anëtar i Kryesisë së Grupit të CDU-së në Bundestag, reporter për financat, deputetin Peter Beyer, etj.
Në ambientet e Kongresit të CDU, Berisha ka takuar edhe Doris Pack, Kryetare Nderi e EPP Ëomen, ish-deputete dhe reportere për Ballkanin, për dekada në Parlamentin Europian si dhe Elmar Brok, ish-Kryetar i Komisionit të Jashtëm, të Sigurisë, dhe të Drejtave të Njeriut të Parlamentit Europian.
Dje në Kongresin e CDU-së Berisha u takua edhe me ish-Presidentin e Ukrainës, Petro Poroshenko dhe Kryetarin e Bashkisë së Berlinit, Kai Wegner.
Një ditë më parë ai ka zhvilluar një takim të përzemërt me liderin e CDU-së, Friedrich Merz, të cilin e cilëson si “kancelarin e ardhshëm” të vendit.
Në një deklaratë pas takimit, Berisha e vlerësoi fitoren e pritshme të CDU-së si “më të rëndësishmen pas asaj të Donald Trump”, duke nënvizuar ndikimin që ajo mund të ketë në skenën politike europiane dhe ndërkombëtare.
“Për mua ishte kënaqësi e madhe, që vija në një ngjarje të tillë pas shumë vitesh.
Pata rastin të takoj shumë miq të mëparshëm, miq të rinj dhe një shtrëngim duarsh të përzemërt me kancelarin e ardhshëm, Merz dhe me shumë personalitete të tjera të rëndësishme të kësaj partie.
Në të gjitha këto takime, bashkëpunimi mes Partisë Demokratike, opozitës shqiptare dhe CDU-së ka qenë një çështje kryesore, sikundër e shfrytëzoj këtë rast për të ju bërë thirrje shqiptarëve në Gjermani, që në zgjedhjet e përgjithshme të Shkurtit të votojnë CDU-në dhe kancelarin Merz, si zgjedhjen në interesin më të mirë të vendit ku jetojnë, por edhe të shqiptarëve në Shqipëri dhe kudo në botë.
Pas fitores së republikanëve në SHBA, fitorja e CDU-së në Gjermani, do të thotë defakto largimin e të majtës nga skartierja evropiane dhe shqiptare.
Siç dihet fitorja në Gjermani, bën vendin e 77 njëri pas tjetrit që e majta mundet dhe triumfon qendra e djathtë dhe e djathta.
Natyrisht fitorja e kancelarit të ardhshëm Merz në Gjermani, pas fitores së Donald Trump është fitorja më e rëndësishme në botë për qendrën e djathtë”, shkruna Berisha për pjesëmarrjen e tij në Kongresin e CDU-së. a.b
