Kreu i PD, Sali Berisha nuk do të paraqitet në SPAK më 3 shkurt, pavarësisht masës së sigurisë “detyrim për paraqitje”.
SPAK ka miratuar një kërkesë të paraqitur nga avokatët e Berishës, e cila argumentonte mungesën për shkak të një angazhimi në Gjermani. Prokurorët e çështjes e miratuan kërkesën këtë të premte.
Më 20 janar, Berisha u paraqit për herë të dytë në SPAK, në respekt të masës së sigurisë. Ndërkohë, dhjetëra mbështetës të tij u mblodhën jashtë ambienteve të institucionit. Pas një vizite të shkurtër, kreu i Partisë Demokratike deklaroi se kishte lënë një “kartolinë” për prokurorët.
“Organizata kriminale e Skrapit të partisë, e angazhuar kundër pluralizmit dhe opozitës, e drejtuar nga Altin Lala, do të përfundojë si të gjitha veglat e diktaturës,” u shpreh Berisha.
Ndërkohë, Berisha vijoi akuzat ndaj kreut të SPAK, Altin Dumanit, duke pretenduar se ai nuk po hetonte dosje të rëndësishme, përfshirë çështjen “Toyota Yaris”. m.k
