Kreu i PD, Sali Berisha tja dot jashtë parlamentit se PS është shkërmoqje dhe në betejë të brendshme, do pësojnë disfatën më të thellë më 11 maj.
Kreu i PD, Sali Berisha ka lëshuar një deklaratë të fortë politike nga jashtë parlamentit, duke kritikuar ashpër qeverinë dhe shumicën parlamentare.
“Mbrojtja që i bën Edi Rama, Olta Xhaçkës, është mbrojtje që ai i bën aksioneve të veta që ka në të gjithë investitorët strategjikë, përfshi edhe burrin strategjik të Olta Xhaçkës, Artan Gaçi.
Në këtë aspekt, kjo është një ditë e shëmtuar për parlamentin ku nuk ka më asnjë lloj morali, nuk ka më asnjë lloj etike. Nuk ka, ka vetëm qëllime kriminale për të mbrojtur veprat e zeza të qeveritarëve.”, tha Berisha.
Ai theksoi se në radhët e shumicës parlamentare ka tension dhe përplasje të brendshme.
“Ndaj unë u propozova atyre sot, i thashë atij kryetarit të grupit parlamentar, të vij unë t’ua them se këta janë të çuditshëm, mblidhen atje në grup parlamentar dhe fillojnë dhe zihen se pse ia lejove këtë opozitës dhe pse nuk ia lejove këtë opozitës.
Belinda dhe mos e thërrisni më Lubi Balluku, por Lubi Loti, pse loti? Se nga viti 2005 deri në vitin 2013 nuk kishit dëgjuar ndonjëherë fjalën lot se rruga kontraktohej nga Farka në Bradashesh, nga Rrësheni në Kukës, nga Orikumi në Sarandë, pra këta kanë kthyer modelin e loteve, është modeli i shumëfishimit të vjedhjeve”, tha Berisha.
Sipas tij, qeveria nuk merret me interesat e qytetarëve, por me mbrojtjen e interesave të saj financiare.
“Këta në grup nuk merren me problemet e zgjedhësve të tyre, të atyre që i kanë votuar, këta merren me problemet me opozitën, si të mbrojnë vjedhjet e tyre nga opozita, si të reagojnë me armiqësi ndaj opozitës.
E vërteta është se janë në shkërmoqje, siç e keni parë vetë d.m.th. Janë në një betejë të brendshme dhe unitet me krimin nuk ka.
Koha do provojë se si këta do të pësojnë disfatën më të thellë me datën 11 maj dhe do arkivohen në banesën e turpit të historisë me këtë që i kanë bërë Shqipërisë,” deklaroi kreu i PD, Sali Berisha. r.p
